Ամենահարուստ երկրներից մեկի՝ Քուվեյթի փողերը վերջացել են


Նավթի գների անկման պատճառով աշխարհի առաջատար արտահանողներից մեկը սնանկացման եզրին է: Արաբական պետության գանձարանը, որին բաժին է ընկնում ածխաջրածինների վաճառքից ստացված եկամտի 90 տոկոսը, այնքան է կրճատվել, որ հազիվ  է բավականացնում պետծառայողներին վճարելու համար: Ֆինանսների նախարարությունը նախազգուշացրել է, որ մի քանի ամսից Քուվեյթը չի կարողանա կատարել իր սոցիալական պարտավորությունները:

«ՌԻԱ նովոստի»-ին ներկայացնում է, թե ինչպես է ամենահարուստ երկիրը սնանկացել:

Տարեսկզբից նավթի համաշխարհային շուկան անկման մի քանի ալիք  ապրեց՝ հումքի գերարդյունահանում, կորոնավիրուսի համաճարակի պատճառով պահանջարկի անկում: Իրավիճակը սրվեց մարտին OPEC + գործարքի փլուզմամբ: Սա մեծ հարված հասցրեց նավթարդյունահանող բոլոր երկրներին, բայց ամենադրամատիկ իրավիճակը Քուվեյթում է, որտեղ պետական բյուջեն ճեղքեր է տվել:

Ապրիլի 1-ին ավարտված ֆինանսական տարում բյուջեի դեֆիցիտը բարձրացել է 68,6 տոկոսով՝ կազմելով 18,44 միլիարդ դոլար: Քուվեյթի ազգային բանկի գնահատմամբ, դա կազմում է համախառն ներքին արդյունքի գրեթե տասը տոկոսը: Դրանից առաջ կար ՀՆԱ-ի 4.8 տոկոսի ավելցուկ:

Կանխատեսումները հոռետեսական են: Ըստ Ազգային բանկի, դեֆիցիտը կարող է հասնել ՀՆԱ-ի 40 տոկոսի: Ըստ Bloomberg-ի հաշվարկների՝ այն 46 մլրդ դոլար է: