«Քաղաքական պայմանավորվածություն ձեռք բերվե՞լ է իշխանության և ԲՀԿ-ի միջև». լրագրողը՝ Մակունցին


Սեպտեմբերի 15-ին լրագրողների հետ ճեպազրույցում ԱԺ «Իմ քայլը» խմբակցության ղեկավար Լիլիթ Մակունցը հարցին, թե Գագիկ Ծառուկյանին չկալանավորելու որոշումից հետո քաղաքական պայմանավորվածություններ ձեռք բերվե՞լ են իշխանության և ԲՀԿ-ի միջև, պատասխանեց, որ քաղաքական պայմանավորվածություններ որևէ ուժի հետ չկան:

Անդրադառնալով Կոռուպցիայի կանխարգելման հանձնաժողովի՝ Գագիկ Ծառուկյանին մանդատից զրկելու վերաբերյալ քննարկմանը, Մակունցն ասաց. «Կոռուպցիայի կանխարգելման հանձնաժողովն անկախ մարմին է, և այն որոշումներն ու եզրակացությունները, որոնք իրենք տալիս են, անցնում է որոշակի ընթացակարգով, իսկ դրան էլ հետևում է առանձին ընթացակարգ, որով բոլորս պետք է շարժվենք»: