Լիբանանահայ առաջին ընտանիքներն արդեն հաստատվում են Արցախում. Արայիկ Հարությունյան


ԱՀ նախագահ Արայիկ Հարությունյանը ֆեյսբուքյան իր էջում գրառում է կատարել. «Հարգելի ՛ հայրենակիցներ Լիբանանահայ առաջին ընտանիքներն արդեն հաստատվում են Արցախում: Ինչպես և խոստացել էինք, ԱՀ Կառավարությունը նրանց հնարավորության սահմաններում օգնության ձեռք է մեկնում: Այդպիսի մի ընտանիքի՝ հայրենիքի արցախյան հատվածում հաստատվելու պատմությունն է ներկայացնում «Ազատություն» ռադիոկայանի պատրաստած տեսանյութը, որը սիրով տեղադրում եմ իմ ֆեյսբուքյան էջում: Ամեն դեպքում՝ վերահաստատում եմ, որ Արցախի իշխանությունները շահագրգռված են, որպեսզի պահպանվի լիբանանահայ գաղութը, և այդ նպատակով մենք շարունակելու ենք նաև մեր համեստ աջակցությունը ցուցաբերել Լիբանանում ապրող մեր հայրենակիցներին՝ ստեղծված ծանր դրությունը հաղթահարելու և կյանքի երբեմնի հունը վերագտնելու համար»: